Përshkrimi i projektit

Hidrocentrali i Ashtës prodhon rreth 240 milionë kilovat/orë energji elektrike në vit. Rreth 100,000 familje shqiptare furnizohen me energji elektrike nga burime të rinovueshme.

Hidrocentrali i Ashtës është i ndarë në dy pjesë: energjia elekrike prodhohet fillimisht në Ashta I, ku tre dekada më parë është ndërtuar rezervuari i Spatharës dhe sistemi i vogël i vaditjes për sektorin bujqësor. Energjia elektrike prodhohet në një shkallë të dytë të HEC, saktesisht tek Ashta 2 – e cila ndodhet 5 km pas bjefit të poshtëm të Ashta 1. Dy godinat e HEC lidhen me njëra tjetrën nëpërmjet një kanali derivacioni. Kapaciteti i plotë i të dy HEC-eve (Ashta 1 & Ashta 2) është 53 MW.

Zona e projektit

Hidrocentrali i Ashtës është i pozicionuar në veri të Shqipërisë afër Shkodrës, qyteti i katërt më i madh në Shqipëri.

Të dhëna teknike

Aspekti më i veçantë i këtij hidrocentrali është përdorimi i turbinave HydroMatrix®. Ky hidrocentral është më i madhi i këtij lloji në botë për nga numri i turbinave të instaluara.

Teknologjia matrix – e bazuar në turbina të vogla përafërsisht me madhësinë e një kabine telefonike – mundëson një shfrytëzim veçanërisht efikas të energjisë hidrike dhe është projektuar posaçërisht për prurje të ulëta.

Hidrocentrali i Ashtës ndryshon nga një hidrocentral konvencional i rrjedhës së lirë sepse në thelb përdor një numër më të madh turbinash. Në secilin stacion gjenerues janë instaluar 45 turbina, të cilat janë montuar dhe transportuar të gatshme në kantier për montim.

Ndërtimi i hidrocentralit filloi në fillim të vitit 2010 me një investim total prej më shumë se 200 milionë euro. Që nga përfundimi i punimeve në vitin 2013, energjia elektrike e prodhuar injektohet në rrjetin shqiptar 110 kV.

Energji për Shqipërinë

Energji Ashta Shpk u krijua si një shoqëri e veçantë për ndërtimin, shfrytëzimin dhe financimin e HEC-it të Ashtës. HEC-i përmirëson sigurinë e furnizimit në Shqipëri dhe gjithashtu ndihmon në reduktimin varësisë së vendit nga importet e energjisë elektrike. HEC-i është projektuar ne përputhje me normat mjedisore dhe nuk emeton mbetje në mjedis. Në fund të periudhës 35-vjeçare të koncesionit HEC-i do t’i kthehet shtetit shqiptar.

Ndërtimi i HEC-it të Ashtës bazohet në eksperimentet e modelit të ujit dhe nuk ndikon në nivelin e ujit të rezervuarit ekzistues.

Mekanizmi për Zhvillim të Pastër

Projekti i Ashtës është zhvilluar bazuar në Mekanizmin për Zhvillimi të Pastër në Kuadër të Konventës së Kombeve të Bashkuara mbi Ndryshimet Klimatike (UNFCCC). Duke qenë një projekt hidroenergjetik, ai nuk emeton CO2 në atmosferë gjatë shfrytëzimit, duke kursyer kështu rreth 114.000 tonë CO2 në vit.

Përgjegjësia Sociale e Korporatës

Me ndërtimin e hidrocentralit të parë me koncesion të suksesshëm në vend, projekt – kompania Energji Ashta ka vendosur standarde të larta në angazhimet me përgjegjësi shoqërore. Kompania i qëndron parimit për drejtësi dhe besueshmëri ndaj të gjitha palëve të interesit të prekura nga projekti.

Energji Ashta ka dëshmuar ndër vite se është një partner besnik për zonën përreth projektit. Kompania ka dhënë mbështetje të padiskutueshme në mënyra të ndryshme momente krizash kombëtare si përmbytjet e mëdha të vitit 2010. Ka mbështetur bashkinë e Bushatit duke e pajisur me një autoambulancë. Energji Ashta vazhdon të mbështesë me bursa dy studentë të shkollës Austriake “Peter Mahringer” në Shkodër.

Ndër vite kompania ka përqendruar thuajse të gjitha aktivitetet me përgjegjësi shoqërore në sistemin arsimor, duke përfshirë të rinjtë vendas në ndërgjegjësimin për mbrojtjen e mjedisit dhe duke financuar projektet e tyre për edukimin e komunitetit në këtë aspekt.

Mëso më shumë

Politika mjedisore

Energji Ashta angazhohet vazhdimisht për të ofruar një shërbim cilësor që garanton një vend pune të sigurt dhe të shëndetshëm për punonjësit e saj dhe të minimizojë ndikimin e mundshëm në mjedis.

Energji Ashta gjithashtu njeh dhe pranon përgjegjësinë e saj për të zhvilluar biznesin e saj në përputhje me legjislacionin përkatës mjedisor dhe do të synojë të përdorë praktikat më të mira mjedisore në të gjitha aktivitetet e saj.

Pra, politika jonë mjedisore është si më poshtë:

Të integrojë shqyrtimin e shqetësimeve dhe ndikimeve mjedisore në vendimmarrjen dhe aktivitetet e saj
Menaxhimi i vazhdueshëm i sasisë së duhur të ujit ekologjik dhe prurjes në kanalin e kalimit të peshkut për të mbrojtur jetën ujore dhe të kafshëve të egra sipas marrëveshjeve dhe ligjeve në fuqi
Monitorimin e vazhdueshëm të ujërave nëntokësore dhe sipërfaqësore
Minimizimin e mbetjeve të krijuara gjatë punës dhe menaxhimin e vazhdueshëm të mbetjeve të grumbulluara nga lumi
Minimizimi i përdorimit të energjisë dhe ujit brenda ndërtesave tona në mënyrë që të ruhen furnizimet dhe për të minimizuar konsumin e burimeve natyrore
Trajnim, edukim dhe informim i punonjësve tanë për çështjet mjedisore që mund të ndikojnë në punën e tyre
Të promovojë vetëdijen mjedisore për banorët e zonave përreth dhe midis punonjësve tanë dhe t’i inkurajojë ata të punojnë në mjedis në mënyrë të përgjegjshme
Komunikimin e angazhimit tonë mjedisor ndaj klientëve, partnerëve dhe publikut dhe inkurajimi i tyre që t’a mbështesin atë
Mbajnë procedurat e duhura kur kërkohet nga legjislacioni ose ku ekzistojnë rreziqe të konsiderueshme shëndetësore, sigurie ose mjedisore, të zbatohen dhe përmirësohen procedurat e duhura
Rishikimi i politikës tonë mjedisore çdo vit në konsultim me stafin, bashkëpunëtorët dhe klientët

Sikurse përparimet e teknologjisë dhe rregulloret ndryshojnë, Energji Ashta do të vazhdojë të përmirësojë sistemet, të zvogëlojë mbetjet dhe të shfrytëzojë në mënyrë efikase burimet për të përmbushur sfidat mjedisore të shekullit të ardhshëm.

Energji Ashta u vendos në dispozicion palëve të interesuara programin e saj mjedisor si dhe aktivitetet e saj të kontrollit mjedisor.

Dokumentacioni Zyrtar

Shkarkoni programin e plotë të politikës mjedisore në format PDF.

Shkarko Dokumentin

Historiku

Janar 2008

Qeveria Shqiptare hap tender të ri për projektin.

Korrik 2008

Verbund-i fiton tenderin me konceptin e tij novator.

Shtator 2008

Nënshkruhet marrëveshja koncesionare për projektin e hidrocentralit të Ashtës mes Verbund-it dhe METE (Ministria e Ekonomisë, Tregtisë dhe Energjetikës)

Tetor 2008

Fillimi i analizave për fazën parapërgatitore të projektit dhe marrjen e lejeve

Dhjetor 2008

Themelimi i projekt-kompanisë Energji Ashta nën varësinë 100% të Verbund-it

Shkurt 2009

Sigurohet studimi urbanistik

Prill 2009

Ministria e Mjedisit lëshon Lejen e Mjedisore

Korrik 2009

Operatori i Sistemit te Transmetimit – OST lëshon Lejen për Lidhjen me Rrjetin

Korrik 2009

Bordi Kombëtar Shqiptar i Komitetit Ndërkombëtar për Diga të Mëdha pranon skicën e projektit

Shtator 2009

Dorëzohen dokumentet për Licensën Energjetike

Shtator 2009

Nënshkruhet marrëveshja për pajisjet elektromekanike mes Energji Ashta dhe Andritz Hydro

Shtator 2009

Dorëzohen dokumentet për Lejen e Ndërtimit

Tetor 2009

Lëshohet Leja e Sheshit të Ndërtimit

Dhjetor 2009

Lëshohet Licensa Energjetike

Janar 2010

Lėshohet Leja e Ndėrtimit

Mars 2010

Fillimi i punimeve